+18 °C, +11 °C ... +21 °C Վաղը`+24 °C
Ադրբեջանի ԱԳՆ-ն արձագանքել է Նիդերլանդների միջազգային հարաբերությունների ինստիտուտում ՀՀ վարչապետ Նիկոլ Փաշինյանի ելույթին: «Ադրբեջանի հասցեին Հայաստանի վարչապետի անհիմն մեղադրանքները, ներառյալ հումանիտար հարցերի վերաբերյալ, ցույց են տալիս, որ ՀՀ ղեկավարությունն ամենևին էլ անկեղծ չէ հարաբերությունների կարգավորման հարցում»,- ասել է Ադրբեջանի ԱԳՆ մամուլի ծառայության ղեկավար Լեյլա Աբդուլաևան: «Եռակողմ հռչակագրի ստորագրումից մինչ օրս ականների պայթյունից զոհվել է 219 մարդ։ Մեր քաղաքացիները պարբերաբար զոհվում են ականներից, նույնիսկ երբ հայկական կողմը տրամադրեց քարտեզներ: Այս առումով անհիմն են Հայաստանի վարչապետի մեղադրանքները, ըստ որի՝ Ադրբեջանը մարդասիրական քայլեր չի ձեռնարկում, հայազգի կալանավորված անձանց չի վերադարձնում»,- նշել է այդ երկրի պաշտոնյան: Հիշեցնենք՝ Նիդերլանդներում Փաշինյանը Ալիևի հետ վերջին հանդիպումից որոշ մանրամասներ էր հայտնել։ Ըստ նրա` Ալիևը խոստացել էր գերիների ևս մի խմբի ազատ արձակել և ուղարկել Երևան, սակայն դա այդպես էլ տեղի չունեցավ. «Մենք մեր ունեցած բոլոր քարտեզները փոխանցեցինք Ադրբեջանին` հույս ունենալով, որ հումանիտար քայլին կհետևի հումանիտար քայլ»,- նշել էր Փաշինյանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am