+21 °C, +14 °C ... +26 °C Վաղը`+25 °C
Ռուս զավթիչները մտադիր են կեղծ հանրաքվե անցկացնել ռմբակոծված Մարիուպոլում, որպեսզի այն ենթադրաբար միացնեն Ռուսաստանի Դաշնությանը: Նախնական ամսաթիվը հայտնի է՝ մայիսի 15։ Այս մասին հայտարարել է Մարիուպոլի քաղաքապետի խորհրդական Պետր Անդրյուշչենկոն, որի խոսքով՝ ինքնակոչ քաղաքապետը մայիսի 15-ը նշել է որպես կեղծ վերափոխման ամսաթիվ։ «Մենք չենք կարող ո՛չ հաստատել, ո՛չ հերքել, մենք շարունակում ենք մշտադիտարկումն ու արձանագրումը»,-ասել է Անդրյուշչենկոն։ Միևնույն ժամանակ նա նշել է, որ այս կերպ օկուպանտները ցանկանում են Մարիուպոլը բռնակցել Ռուսաստանի Դաշնությանը՝ որպես «ԴԺՀ»-ի մաս։ «Առաջին քայլը ռուսական բջջային կապի կոդի անցումն է: Այժմ ռուսական բանկերն ու բարձրագույն ուսումնական հաստատությունները պետք է մտնեն «ԴԺՀ»: Ռուսաստանը կսահմանի բուհերի առանձին ցուցակ, որոնք ոչ միայն կգրանցեն երեխաներին բռնազավթված տարածքներից, այլ նաև անմիջականորեն կաշխատել մարզի տարածքում»,- ասել է քաղաքապետի խորհրդականը։ Բացի այդ, նա նշել է, որ Մարիուպոլի շրջանի և Մարիուպոլ քաղաքի դպրոցներում տետրերի վրա գրվում է «Մարիուպոլ. Ռոստովի մարզ»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am