+22 °C, +14 °C ... +27 °C Վաղը`+28 °C
Ինչպես տեղեկացրել էինք, Ֆինլանդիան և Շվեդիան հայտարարել են ՆԱՏՕ-ին անդամակցելու մտադրության մասին: ՆԱՏՕ-ում Ֆինլանդիայի մշտական ներկայացուցիչը, հավանաբար, դաշինքին անդամակցելու հայտ կներկայացնի մայիսի 18-ին, այս մասին հայտնել է Ֆինլանդիայի ԱԳ նախարար Պեկա Հավիստոն: Ինչ վերաբերում է Շվեդիային, ապա Svenska Dagbladet թերթի հաղորդմամբ, երկիրը ՆԱՏՕ-ին անդամակցելու հայտ կներկայացնի մայիսի 17-ին: Հիշեցնենք՝ ավելի վաղ Թուրքիան հայտնել էր, որ չի աջակցում ՆԱՏՕ-ին Ֆինլանդիայի և Շվեդիայի անդամակցությանը: ՆԱՏՕ-ի գլխավոր քարտուղար Յենս Սթոլթենբերգն էլ նշել էր, որ դաշինքում գրկաբաց կընդունեն Ֆինլանդիային և Շվեդիային: Ռուսաստանն իր հերթին հայտարարել էր, որ անդամակցելով ՆԱՏՕ-ին՝ Ֆինլանդիան և Շվեդիան կհայտնվեն Ռուսաստանի հետ առճակատման գոտում: Սպիտակ տունն էլ նշել էր, որ աջակցում է Ֆինլանդիայի և Շվեդիայի ձգտումներին: Հիշեցնենք՝ երկու երկրներում էլ, որոնք տասնամյակներ շարունակ խուսափում էին ռազմական դաշինքներում ընդգրկվելուց, Ուկրաինայում պատերազմից հետո հասարակական տրամադրությունների կտրուկ փոփոխություն եղավ: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am