ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+14 °C, +5 °C ... +15 °C Վաղը`+20 °C
«Ֆինանսների նախարա՛ր, գոնե մի քիչ ֆինանսական պարկեշտություն ունեցե՛ք». Արթուր Խաչատրյան
19:24, 15.05.2022 | mamul.am
3465 | 1

ԱԺ «Հայաստան» խմբակցության պատգամավոր Արթուր Խաչատրյանը հանրահավաքի բեմահարթակից դիմեց Ֆինանսների նախարարին. «Պարոն Ֆինանսների նախարար, գոնե մի քիչ ֆինանսական պարկեշտություն ունեցեք: Երբ ասում եք, որ 2021 թ-ին արձանագրած 5,7% տնտեսական աճն ավելի էր, քան թե տարվա սկզբին նախատեսած 3,5%-ը, ինչո՞ւ չեք ասում, որ տարվա կեսին վերանայել էիք ձեր կանխատեսումը, դարձրել էիք 6,5%, և ցանկացած կատարողական հաշվարկվում է ճշտված, վերանայված պլանի նկատմամբ: Դուք չգիտե՞ք դա: Շատ լավ գիտեք, բայց թաքցնում եք, որ կառավարությունը չի ապահովել իր առաջ դրված պլանային ցուցանիշը: Նաև չեք ասում, որ 2021 թվականին Հայաստանի տնտեսական աճը ավելի ցածր էր, քան համաշխարհային տնտեսական միջինը և համադրելի երկրների տնտեսական միջինը: Չեք ասում, որ 2021 թվականի էդ հրաշք աճով մենք չենք եկել նույնիկ 2019 թվականի տնտեսական մակարդակին»:

Կիսվի՛ր այս նյութով՝
դեպի վեր