Ինչպես հայտնում է ֆոտոլրագրող Գագիկ Շամշյանը, երեկ՝ մայիսի 16-ին, Արագածոտնի մարզի Ներքին Բազմաբերդ գյուղի բնակչուհի՝ 40-ամյա Լուսինե Պետրոսյանը Երևանի Վերարտադրողական առողջության, պերինատոլոգայի, մանկաբարձության և գինեկոլոգիայի հանրապետական ինստիտուտում (ծննդատուն) եռյակ տղաներ է լույս աշխարհ բերել։ Ֆոտոլրագրողի հետ զրույցում Լ. Պետրոսյանը նշել է, որ տղաները ծնվել են կեսարյան հատման միջոցով։ «Դեռ չենք որոշել երեխաների անունները, բայց 3 զինվոր՝ չհաշված, որ երկուսն էլ ունեմ։ Մեր ընտանիքում դարձավ 5 տղա և 1 աղջիկ»,- ասել է կինը։ |