Այսօր Ֆրանսիայի հրապարակում առաջինը ելույթ ունեցավ հայտնի Գեորգի Արիստակեսյանը՝ երեք պատերազմների մասնակից Ժորա պապին: Նա պատմեց, որ 1990 թվականից առաջին պատերազմում է կամավորագրվել, ապրիլյանին է մասնակցել, իսկ վերջին պատերազմում ստիպված է եղել տարիքը 10 տարով իջեցնել, որ իրեն տանեն կռիվ, դրա համար էլ իրեն հաճախ սխալմամբ ասում են 75-ամյա: «Ճիշտ է, տղաներին կոտրեցին, բայց ես հիմա տեսնում եմ՝ այդ տղաները լի են հույսով ու հայրենասիրությամբ: Ես մինչև կյանքիս վերջ կկանգնեմ նրանց կողքին»,- ասաց Գեորգի Արիստակեսյանը: |