«Գիտեմ՝ շատերդ ասում եք՝ ես չեմ գա հրապարակ, որովհետև այսինչն այնտեղ ա, ես նրա կողքին չեմ կանգնի: Դու մի արի, կանգնի «այդինչի» կողքին: Դու արի կանգնի Արթուր Ասոյանի կողքին, որի տղան զոհվել ա պատերազմում, իսկ իրեն երեկ բերման են ենթարկել: Արի կանգնի Ջուլիետա տատիկի կողքը, որի թևը ոստիկանը կոտրեց: Որովհետև Ջուլիետա տատիկը տեսավ, որ ջահել տղաներին ծեծում են, չկարողացավ դիմանալ, սկսեց պաշտպանել: Արի կանգնի Արման Օհանջանյանի մայրիկի կողքը, որի կյանքում ամենամեծ հարստությունը մնացել ա հոկտեմբերի 20-ին իր զոհված տղայի՝ ռազմաճակատից ուղարկած տեսանյութը»,- Ֆրանսիայի հրապարակում իր ելույթի ժամնակ ասաց ԱԺ «Պատիվ ունեմ» խմբակցության պատգամավոր Հայկ Մամիջանյանը: «Լավ, մի՞թե քեզ այնպես են ներշնչել ատելությունը ինչ-որ մարդկանց նկատմամբ, որ դա ավելի շատ ա, քան հայրենասիրությունը: Ես դրան չեմ հավատում»,- ասաց նա: |