Շտապօգնության բժշկին մարմնական վնասվածքներ պատճառած 49-ամյա տղամարդը բերման է ենթարկվել բաժին և խոստովանական բացատրություն տվել: Այս մասին տեղեկանում ենք Ոստիկանության տարածած հաղորդագրությունից: «Մայիսի 16-ին, ժամը 13.23-ին, շտապօգնության ենթակայանից ոստիկանություն հաղորդում է ստացվել, որ կանչով մեկնել են Արհեստավորների փողոցի տներից մեկը՝ ծանր հիվանդին բուժօգնություն ցույց տալու, որտեղ նրա հարազատը խփել է բժշկի գլխին: Ժամը 13.35-ին հիվանդանոցից հաղորդում է ստացվել, որ «գուվ» ախտորոշմամբ բուժօգնության է դիմել շտապօգնության բժիշկը: Ոստիկանության Կենտրոնական բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ նշված արարքը կատարել է 49-ամյա տղամարդը: Նշանակվել է դատաբժշկական փորձաքննություն: Նախապատրաստվում են նյութեր: |