«Իրավունքի ուժը» ՀԿ համահիմնադիր Արման Ղարիբյանը ֆեյսբուքյան իր էջում գրել է. «Երեք հարց ԱԱԾ-ին. 1) Ինչո՞ւ եք բերման ենթարկելիս մարդու ձեռքերը ոլորում ու գլուխը կախում։ 2) Ինչո՞ւ եք նկարահանում մարդուն այդ ստորացուցիչ դիրքում։ 3) Ինչո՞ւ եք տարածում այդ կադրերը։ Ենթադրում եմ, որ մարդկանց որոշ խումբ պարզապես գրգռվում է նման տեսարաններից, մի՞թե այդ մարդկանց աչքը շոյելու համար արժե խոցել ՀՀ քաղաքացու արժանապատվությունը։ Ցանկացած մեկը, ով հանցանք է կատարել, թող պատժվի օրենքի ողջ խստությամբ, սակայն հավելյալ պատիժ՝ նրա արժանապատվությունը խոցելու ձևով որևէ մեկը իրավունք չունի սահմանելու և հանրային իրագործելու։ ՀՀ Ազգային անվտանգության ծառայություն, մի՛ արեք, տգեղ է, տհաճ է»։ |