Արցախի ՊԲ նախկին խոսնակ Սենոր Հասրաթյանը ֆեյսբուքյան իր էջում գրում է. «Հարցեր բոլոր նրանց, ովքեր տեղեկացված են:
Հարց առաջին՝ որքանո՞վ են իրականությանը համապատասխանում այն լուրերը, որ երեկ «բերետավորներից» յուրաքանչյուրը ստացել է 1000 դոլարին համարժեք դրամ պարգևավճար և երկրորդ՝ ճի՞շտ են արդյոք այն լուրերը, որ Դիմադրության շարժման ցույցերը ցրելու համար ամեն մի «բերետավոր» յուրաքանչյուր օրվա համար առձեռն ստանում է 20000 դրամ գումար...
Եվ, վերջապես, բացի ՄՏԱԾՈՂ քաղաքացիների պարսավանքներն օրվա ծառայությունից հետո իրենց հոգու վրա, որպես ծանր բեռ, տուն տանելուց, ի՞նչ են այդ 1000 դոլարով կամ 20000 դրամով «բերետավորներն» առնում և «մաքուր խղճով» մտնում հարազատ օջախ...
Պատասխանները կարող են լինել ինչպես պաշտոնական, այնպես էլ՝ ոչ պաշտոնական....
Իսկ մինչև պատասխանը ստանալը հիշեցնեմ, որ նախկինում «բերետավորները», որպես պարգևավճար, իրենց տուն էին տանում ՀԱՂԹԱՆԱԿ և ՀՊԱՐՏՈՒԹՅՈՒՆ...»: