Փաստաբան Երվանդ Վարոսյանի գրառումը․ «Ատում են նրանք պատերազմի հետ կապված ամեն ինչ, զոհվածներին, վիրավորներին, պատերազմն անցած ու վերադարձածներին, նահատակների ծնողներին, պատերազմի մասին պատմողներին, պատերազմի ընթացքը վերլուծողներին...
Երևի թե բնական վախ է։ Նրանք գիտեն պատերազմի հեղինակին, ընթացքի մեղավորին։ Նրանք փորձում են ջնջել այդ ամենը բոլորի հիշողությունից, հավատացնել, թե ոչինչ չի էլ եղել։ Իզուր, չի ստացվելու, կան բաներ, որոնք չեն ջնջվում, միշտ են մնում, ավելի են խորանում, ավելի ցավոտ են դառնում, հեղինակին ու մեղավորին սրբում-տանում են պատմության աղբանոցը»։