Լրագրող Նաիրի Հոխիկյանի գրառումը․ «Զոհված զինծառայողների ծնողները 1 ժամ ժամանակ տվեցին Քննչական կոմիտեին՝ ազատ արձակելու ձերբակալված Գարիկ Գալեյանին։ Ի պատասխան՝ Քննչական կոմիտեն որոշում կայացրեց ձերբակալել նաև Գարիկ Գալեյանի ավագ եղբորը՝ Արթուրին։
Արթուր Գալեյանը հիմա բաժնում է, նա ինքնակամ է ներկայացել։
Ըստ ՔԿ֊ի՝ մայիսի 17-ին Գարիկ և Արթուր Գալեյանները, ինչպես նաև Ազգուշ Մարտիրոսյանը պլաստիկ շշով հարվածել են զորամասի հրամանատարին, վիրավորել ու ծեծկռտուք սկսել։
Հիշեցնեմ, որ խոսքը 44-օրյա պատերազմի ժամանակ զոհված հերոս Մխիթար Գալեյանի հոր մասին է, ով պահանջում էր ՔԿ-ից՝ ի վերջո, իրավական գործընթաց սկսել իր որդու և մյուս զինվորների զոհվելու առումով»։