+20 °C, +15 °C ... +25 °C Վաղը`+26 °C
Շվեդիան չի կարողանա անդամակցել ՆԱՏՕ-ին, քանի դեռ Անկարայի հիմնավորված մտահոգությունները չեն լուծվել։ Հյուսիսատլանտյան դաշինքին միանալու այս պայմանն անվանել է Թուրքիայի նախագահի աշխատակազմի հաղորդակցության բաժնի ղեկավար Ֆահրեթթին Ալթունը շվեդական Expressen թերթի հոդվածում։ «Այնպիսի երկրները, ինչպիսին Թուրքիան է, որոնք հայտնվել են ահաբեկչության թիրախում, քրտնաջան աշխատում են այդ երկակի ստանդարտները վերացնելու ուղղությամբ: Հաշվի առնելով այս պատմությունը՝ Թուրքիայի համար անընդունելի կլինի դիտել, թե ինչպես է Շվեդիան փորձում անդամակցել ՆԱՏՕ-ին՝ չվերանայելով իր դիրքորոշումը»,- պարզաբանել է Թուրքիայի ղեկավարի ներկայացուցիչը։ Նա հավելել է, որ Անկարայի համար պարտադիր պայման է, որ Շվեդիան դադարի քաղաքական ապաստան տալ նրանց, ովքեր «հանցագործություններ են կատարել Թուրքիայի քաղաքացիների նկատմամբ»։ Ալթունը հարցադրում է կատարել՝ շվեդները կկիսեի՞ն այս դիրքորոշումը «եթե թուրքական կառավարությունը պատսպարեր Ստորտորգետի հարձակման համար պատասխանատու ահաբեկչական կազմակերպությանը»։ «Շվեդիան չի կարող անդամակցել ՆԱՏՕ-ին, քանի դեռ չլուծված են Թուրքիայի արդարացի մտահոգությունները։ Եթե Շվեդիան ակնկալում է, որ ՆԱՏՕ-ի երկրորդ բանակը հարձակման դեպքում կպաշտպանի իրեն, ապա պետք է ընդունի այս փաստը»,- եզրափակել է Ալթունը։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am