ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+11 °C, +3 °C ... +12 °C Վաղը`+16 °C
Գավառի բնակիչ Արմեն Բադեյանի նկատմամբ հետախուզում է հայտարարվել
21:54, 18.05.2022 | mamul.am
4565 | 0

Լրագրող Նաիրի Հոխիկյանի գրառումը․ «Գավառի բնակիչ Արմեն Բադեյանի նկատմամբ հետախուզում է հայտարարվել ծանր վիրավորանքի համար։ Այդ մարդը շարունակաբար իրականացնում է ատելություն և հայհոյանք պարունակող հրապարակումներ։
Սոցիալական ցանցերում հայհոյում է այն մարդկանց, ովքեր քննադատում են Նիկոլ Փաշինյանին։ Նույնպիսի վարք էր ցուցաբերել նաև իմ նկատմամբ։ Մի քանի անգամ սույն անձին զգուշացրել եմ դադարեցնել այդպիսի գործողությունները, բայց նա կրկնել է իր հանցանքը, ինչի պատճառով հաղորդում եմ ներկայացրել հանցագործության մասին։ Հարուցված քրեական գործով Արմեն Բադեյանին մեղադրանք է առաջադրվել ՔՕ 137․1 հոդվածի 2-րդ կետով․
«Անձին ծանր վիրավորանք հասցնելը՝ հայհոյելը կամ նրա արժանապատվությունն այլ ծայրահեղ անպարկեշտ եղանակով վիրավորելը, որը կատարվել է տեղեկատվական կամ հաղորդակցական տեխնոլոգիաներն օգտագործելով կամ հրապարակային այլ եղանակով, կատարվել է անձի հանրային գործունեությամբ պայմանավորված։ Սույն հոդվածում հանրային գործունեություն է համարվում անձի կողմից լրագրողական, հրապարակախոսական գործունեության, ծառայողական պարտականությունների կատարման, հանրային ծառայության կամ հանրային պաշտոն զբաղեցնելու, հասարակական կամ քաղաքական գործունեության հետ կապված վարքագիծը»:
Մենք պարտավոր ենք պատժի նախադեպեր ստեղծել հենց իշխանության համար ծառայող անձանց նկատմամբ, որպեսզի անպատժելիության մթնոլորտը վերանա, իսկ Նիկոլ Փաշինյանը մենակ մնա իր ստեղծած ատելության միջավայրում»։

Աղբյուրը` Նաիրի Հոխիկյան
Կիսվի՛ր այս նյութով՝
դեպի վեր