+24 °C, +13 °C ... +24 °C Վաղը`+24 °C
Հայաստանի վարչապետ Նիկոլ Փաշինյանը Կրեմլին խնդրել է Ղազախստանի օրինակով Հայաստան ուղարկել ՀԱՊԿ զորքեր։ Այս մասին հայտնում է Baza-ի թելեգրամ ալիքը՝ իր մի քանի աղբյուրներին հղումով։ Պատճառը Երևանում և այլ քաղաքներում ամենօրյա զանգվածային ցույցերն են, որոնք վախեցրել են պետության ղեկավարին։ Ըստ աղբյուրի, Մոսկվայում ՀԱՊԿ գագաթնաժողովի նախօրեին (Հավաքական անվտանգության պայմանագրի կազմակերպությունը ներկայումս նախագահում է Հայաստանը) Փաշինյանը պաշտոնական հարցում է ուղարկել ՀԱՊԿ-ին։ «Նա եկել է Մոսկվա, որպեսզի կազմակերպության անդամներից երաշխիքներ ստանա. եթե Երևանում իրավիճակը զարգանա ղազախական սցենարով, ապա Ռուսաստանը և ՀԱՊԿ մյուս անդամները զորք կբերե՞ն, կճնշե՞ն անկարգությունները և կօգնե՞ն Փաշինյանին մնալ իշխանության գլխին։ «Ազգայնական շարժումն այժմ մեծ թափ է հավաքում երկրում, ինչն սպառնում է պետության սահմանադրական կարգին, հետևաբար անհրաժեշտ որոշումը Հայաստան ռազմական կոնտինգենտ ուղարկելն է»,- մեջբերել է աղբյուրը։ Փաշինյանի խնդրանքը մերժվել է ՌԴ նախագահի աշխատակազմի կողմից և հենց իրեն են խնդրել հետ կանչել խնդրանքը, հակառակ դեպքում հայկական կողմին խոստացել են այն պաշտոնապես հանել օրակարգից»,- գրում է Baza-ն: Մեկ այլ աղբյուրի համաձայն՝ նախագահականի պատասխանից հետո Փաշինյանը փորձել է աջակցություն ստանալ անմիջապես Վլադիմիր Պուտինից, սակայն այստեղ նա ևս մերժվել է։ Աղբյուրը նշել է նաև, որ ՀՀ ղեկավարը հանդիպմանը սպասել է հինգ ժամ, սակայն այդպես էլ հավանություն չի ստացել ռուս զինվորականների օգնությամբ իր խնդիրը լուծելու հարցի շուրջ։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am