ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+11 °C, +5 °C ... +16 °C Վաղը`+20 °C
«Արդյո՞ք հայտնաբերվել և ազատազրկվել է ցուցարարին վրաերթի ենթարկողը». Գոհար Մելոյան
19:06, 19.05.2022 | mamul.am
3926 | 2

Սահմանադրագետ Գոհար Մելոյանը ֆեյսբուքյան իր էջում տեսանյութ է տարածել՝ կից գրառմամբ. «Հարգելի ՀՀ ոստիկանություն, խնդրում եմ իրազեկել՝ արդյո՞ք հայտնաբերվել և ազատազրկվել է ցուցարարին վրաերթի ենթարկած և դեպքի վայրից փախուստի դիմած հանցավոր տարրը:
Խաղաղ անհնազանդության ակցիա իրականացնող ցուցարի վրա ավտոմեքենա վարելը, և վերջինիս մարմնական վնաս պատճառելը պարունակում է ՀՀ քրեական օրենսգրքով նախատեսված հանցագործության հատկանիշներ։
Բացի այդ, մի շարք իշխանամետ անհատներ «Ֆեյսբուք»-ում կամ այլ սոցիալական հարթակներով հանդես են գալիս խաղաղ անհնազանդության ակցիա իրականացնող ցուցարներին վրաերթի ենթարկելու ԿՈՉԵՐՈՎ, ինչն առերևույթ պարունակում է ՀՀ քրեական օրենսգրքի 226.2-րդ՝ բռնություն գործադրելու հրապարակային կոչեր վերտառությամբ հոդվածի հատկանիշներ, քանի որ, ակնհայտորեն, կոնկրետ անձանց խմբի նկատմամբ իրենց քաղաքական հայացքներով պայմանավորված բռնություն գործադրելու հրապարային կոչեր են։
Հ. գ. Այս սուբյեկտին պետք է նույնականացնել ու նկարը փակցնել ամոթի ցուցանակին»։

Վրաերթը՝ 1:25-րդ րոպեից
Աղբյուրը` Գոհար Մելոյան
Կիսվի՛ր այս նյութով՝
դեպի վեր