ՄԱՄՈՒԼ.ամ
Hay / Հայ | Рус | Eng | Tür
USD 416.27, EUR 406.03, RUB 7.25, GBP 459.31
+14 °C, +14 °C ... +24 °C Վաղը`+25 °C
«ԱՄՆ-ը պատրաստ է ռազմական ճանապարհով պաշտպանել Թայվանը». Բայդեն
12:18, 23.05.2022 | mamul.am
4980 | 1

ԱՄՆ-ը պատրաստ է ռազմական ճանապարհով պաշտպանել Թայվանը, եթե դրա անհրաժեշտությունը լինի: Այս մասին Ճապոնիայի վարչապետի հետ համատեղ մամուլի ասուլիսում հայտարարել է ԱՄՆ նախագահ Ջո Բայդենը։

«Այո, դա պարտավորություն է, որը մենք ստանձնել ենք»,- ասել է նա՝ պատասխանելով լրագրողի հարցին, թե արդյոք ԱՄՆ-ը պատրա՞ստ է ռազմական ճանապարհով պաշտպանել Թայվանը, եթե անհրաժեշտություն առաջանա։

ՉԺՀ-ի կենտրոնական կառավարության և Թայվանի միջև պաշտոնական հարաբերությունները խզվեցին 1949 թվականին, երբ Չիանգ Կայ-շեկի գլխավորած Կումինտանգի պարտված ուժերը տեղափոխվեցին կղզի:

Պեկինը պնդում է «Մեկ Չինաստանի» քաղաքականությունը։ Դա ենթադրում է, որ Թայվանը չինական տարածքի անբաժանելի մաս է: Չինաստանը չի ճանաչում Թայվանի ինքնիշխանությունը և չի ողջունում կղզու հետ այլ երկրների շփումները։

Կիսվի՛ր այս նյութով՝
| |
դեպի վեր