Ֆրանսիայի խորհրդարանական ընտրությունների երկրորդ փուլի հաղթողը, ինչպես և կանխատեսվում էր, «Միասին» կոալիցիան է. Էմանուել Մակրոնի կողմնակիցները 245 մանդատ կունենան, փոխանցում է «Ինտեֆաքս»-ը: Մակրոնի կողմնակիցները բացարձակ մեծամասնության չեն հասել խորհրդարանի ստորին պալատում, ինչի համար անհրաժեշտ էր 289 մանդատ՝ 577-ից։ Երկրորդ տեղում Ժան-Լյուկ Մելանշոնի գլխավորած «Նոր ժողովրդական էկոլոգիական և սոցիալական միություն» ձախակողմյան կոալիցիան է՝ 131 մանդատով։ Երրորդը Մարին Լը Պենի «Ազգային միասնություն» կուսակցությունն է, որը կստանա 89 տեղ։ |