Հայոց լեզվի պատմության ամբիոնի դոցենտ Նարինե Դիլբարյանը ֆեյսբուքյան իր էջում հրապարակել է լուսանկար և կից գրել․ «ՀՀ արտգործնախարարությունում (թերևս՝ ոչ միայն) լեզվական խմբագիր-սրբագրիչների հրատապ կարիք կա՝ հաշվի առնելով ԵՊՀ հայ բանասիրության և այլ բուհերի նույն կարևորագույն մասնագիտության որակյալ կրողների առկայությունը մեր աշխատաշուկայում, առաջարկում եմ նման հաստիքների քանակը կտրուկ ավելացնել (հավասարակշռելով պարեկների և ոստիկանների ստվար քանակը)՝ մրցույթներ հայտարարելով հետևել պետական լեզվի հարգը պատշաճ պահելուն: Հրատապության վառ օրինակը՝ ՀԴԿ-ն դիմում էր հղել ՀՀ ԱԳՆ-ը՝ պարզաբանումներ ակնկալելով ԵՄ դեսպան Անդրեա Վիկտորինի վտանգահարույց պայուսակ-քարտեզի մասին՝ հուսալով, որ դրանք առկա են, և ստացանք հետևյալ պատասխանը՝ վրիպակով, որը համապատասխան աշխատակցի խստապահանջ աչքը կնկատեր ու կուղղեր տեղում՝ ՀՀ ԱԳՆ-ն բավարված է-բավարարված է»: |