Քաղաքական վերլուծաբան Վահրամ Աթանեսյանի գրառումը․ «Հունիսի 24-ին Բաքվում Լավրովի բանակցություններն, ինչպես երևում է, խիստ անհանգստացրել են Թուրքիային։ Էրդողանի գլխավոր խորհրդական-մամուլի խոսնակ Քալընը հիշեցրել է, որ «Ղարաբաղյան հարցը լուծվել է թուրք-ադրբեջանական դաշինքով»։ Հունիսի 29-ին Աշխաբադում գումարվում է մերձկասպյան երկրների առաջնորդների խորհրդաժողով։ Ըստ տեղեկությունների՝ Ռուսաստանն առաջարկում է ստեղծել Կասպյան ավազանում համագործակցության մշտական գործող մարմին՝ նստավայր ունենալով Աստրախանը։ Կարելի է հասկանալ, որ Քալընը ուղերձ է հղում Ալիևին։ Մնում է սպասել՝ Ռուսաստանին կհաջողվի՞ Կասպից ավազանը փակել արտատարածաշրջանային երկրների և առաջին հերթին՝ Թուրքիայի առաջ։ Աշխաբադից առաջ Ալիևը մեկնել է Տաշքենդ։ Ճիշտ է, Ուզբեկստանը մերձկասպյան երկիր չէ, բայց բավական հաջողությամբ Ղազախստանի հետ վիճարկում է Կենտրոնական Ասիայում առաջնորդությունը՝ հանդիսանալով «Թուրքական աշխարհի» մաս»։ |