ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+7 °C, +5 °C ... +16 °C Վաղը`+20 °C
«Այսօր հանդիպում էր նախատեսված, բայց Ադրբեջանը հրաժարվել է մասնակցել»․ Փաշինյան
20:36, 27.06.2022 | mamul.am
3760 | 1

«Շատ տարօրինակ են Ադրբեջանից հնչող հայտարարությունները, որտեղ փորձ է արվում ցույց տալ, թե Հայաստանը ձգձգում է խաղաղության պայմանագրի բանակցությունները և հետագա ընթացքը»,- առցանց ասուլիսի ժամանակ՝ պատասխանելով հարցին, թե երբ կմեկնարկեն հայ-ադրբեջանական բանակցությունները, և երբ պատրաստ կլինի խաղաղության բուն պայմանագիրը, ասաց ՀՀ վարչապետ Նիկոլ Փաշինյանը։

«ՀՀ ԱԳՆ-ից առաջարկ է գնացել Ադրբեջանի ԱԳՆ, որպեսզի տեղի ունենա ԱԳ նախարարների հանդիպում և փորձեն պայմանավորվածություն ձեռք բերել հետագա քայլերի վերաբերյալ․․․։ Ի միջի այլոց, այսօր հանդիպում էր նախատեսված, բայց Ադրբեջանը հրաժարվել է այդ հանդիպմանը մասնակցելուց, որը պետք է տեղի ունենար Բրյուսելում։ Ադրբեջանը մինչև այս պահը, մինչև ասուլիսի մեկնարկը չի արձագանքել ԱԳ նախարարների հանդիպումն անցկացնելու առաջարկին»,- ասաց վարչապետը՝ հավելելով, որ այս պահին, բացի հրապարակված փաստաթղթից, որևէ այլ փաստաթուղթ հայ-ադրբեջանական խոսակցության սեղանին չկա։

Կիսվի՛ր այս նյութով՝
դեպի վեր