Արդարադատության նախկին նախարար Գևորգ Դանիելյանի գրառումը. «Յուրաքանչյուր իրավական ակտ, անգամ պարզապես երրորդ կողմի նախաձեռնությամբ բանակցությունների դրված նախագիծ, անխտիր Հայաստանի շահերի դեմ մեկնաբանությամբ հրամցնելը դարձել է կայուն վտանգավոր քաղաքականություն:
Նախ, նոյեմբերի 9-ի հայտարարություն կոչվածը չունի որևէ իրավական ուժ, այն պայմանականորեն կիրառվել է միայն կրակը դադարեցնելու մասով, իսկ մյուս կետերով պետք է վավերացվեր, ինչն առայսօր չի արվել, ինչի մասին քանիցս ենք բարձրաձայնել: Անգամ դրա հայերեն տարբերակը այն աստիճան է տարբերվում ռուսերեն տեքստից, որ դժվար է դա բացատրել թարգմանչական հմտությունների պակասով»: