«Այսօր՝ ԱԺ արտահերթ նիստում, ՔՊ-ական պատգամավոր Գուրգեն Արսենյանը, անդրադառնալով գլխավոր դատախազի թեկնածու Աննա Վարդապետյանի խոսքերին, թե վերջինին մեղադրում են, որ դատախազությունում չի աշխատել, ասաց․ «Դատախազությունում աշխատել կամ չաշխատելը մեղադրանք չի կարա լինի։ Ուզում եմ հիշեցնել մի վիճակագրություն, որը վերաբերում է Հայաստանի գլխավոր դատախազների պատմությանը․ մի դատախազի սպանել են իր կաբինետում, մի դատախազը հենց հիմա դատվում ա, մի դատախազն էլ փախուստի մեջ ա»։

Արսենյանը հույս հայտնեց, որ նոր ընտրվող դատախազը կխուսափի հայտնվել իր նշած վիճակագրության սահմաններում։

«Ձեր դեպքում դատախազությունում չաշխատելը փորձեք որպես առավելություն օգտագործել ՝ իրականացնելով այն փոփոխությունները, որոնք անհրաժեշտ են դատախազությանը»,- Վարդապետյանին ասաց պատգամավորը։