ՄԱՄՈՒԼ.ամ
Hay / Հայ | Рус | Eng | Tür
USD 405.96, EUR 412.94, RUB 6.70, GBP 491.13
+31 °C, +21 °C ... +37 °C Վաղը`+37 °C
«Ոչ մի տեղ գրված չէ, որ Ադրբեջանի կամքով պետք է նախագծվի և կառուցվի ճանապարհ»․ Տիգրան Աբրահամյան
21:00, 29.06.2022 | mamul.am
1458 | 0

«Այսպես կոչված՝ այլընտրանքային ճանապարհը համաձայնեցվել, կառուցվել է խիստ գաղտնիության պայմաններում: Այն կետում, որում սահմանված է այլընտրանքային ճանապարհ, սահմանված չէ, որ հայկական կողմը կամ ռուսական զորքերը, որոնք ապահովում են միջանցքի ապահովությունը, պետք է դուրս գան Բերձորից և գնան Ադրբեջանի կողմից սահմանված գծում տեղակայվելու»,- Սարյանի պուրակում անցկացվող քննարկման ժամանակ ասաց ԱԺ «Պատիվ ունեմ» խմբակցության պատգամավոր Տիգրան Աբրահամյանը:

«Նոյեմբերի 9-ի փաստաթղթում նշվում է, որ կողմերի համաձայնությամբ պետք է հաստատվի նախագիծ, մինչև երեք տարվա ժամկետով ստեղծվի այլընտրական ճանապարհ, և մնացած գործողություններն, ըստ դրա, իրականացվեն: Ոչ մի տեղ գրված չէ, որ Ադրբեջանի կամքով պետք է նախագծվի, պետք է կառուցվի ճանապարհ, որը ենթադրում է շրջանցել Բերձոր, Աղավնո և Սուս գյուղերը»,- նշեց Աբրահամյանը՝ հավելելով․ «Նոյեմբերի 9-ի փաստաթղթում կան տեղեր, որտեղ Հայաստանը կարող է իր շահը առաջ տանել: Բայց այս իշխանությունների դեպքում խոսել հայկական շահի մասին՝ ավելորդ է»։

Կիսվի՛ր այս նյութով՝
| |
դեպի վեր