ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+7 °C, +5 °C ... +16 °C Վաղը`+20 °C
«Ինչո՞ւ չի արգելվել թուրքական «Գորշ գայլեր»-ի հետ մտերիմ Սամսոն Օզարարատի մուտքը Հայաստան». Զ. Փոստանջյան
14:42, 15.07.2022 | mamul.am
5560 | 0

«Երկիր Ծիրանի» կուսակցության նախագահ, փաստաբան Զարուհի Փոստանջյանը հարցեր է ուղղել ՀՀ Ազգային անվտանգության ծառայության տնօրեն Արմեն Աբազյանին։

«Հարգելի՛ պարոն Աբազյան, հուլիսի 14-ին «Զվարթնոց» օդանավակայան վայրէջք է կատարել Ֆրանսիայի հայկական ընկերությունները համակարգող խորհրդի նախագահ Մուրադ Փափազյանը:

Մուրադ Փափազյանին վայրէջքից հետո օդանավակայանի աշխատակիցները տեղափոխել են առանձին սենյակ և հայտնել, որ իր մուտքը Հայաստան արգելված է, պատճառաբանելով որ ինքն անցանկալի անձ է Հայաստանում:

Տեղեկացնենք Ձեզ, որ 2021 թվականի մարտ ամսին Հայաստան է ժամանել թուրքական «Գորշ Գայլեր» ահաբեկչական խմբավորման հետ մտերիմ (եթե ոչ մտերիմ, այլ անդամ) Սամսոն Օզարարատը, ով ոչ միայն անցանկալի, այլ նաև վտանգավոր անձ է համարվում Հայաստանի համար: Վերջին օրերին Սամսոն Օզարարատը Ֆրանսիայի Նիցցա քաղաքում հանդիպել է նաև Նիկոլ Փաշինյանի ամուսին Աննա Հակոբյանի հետ:

Հիմք ընդունելով վերոգրյալը և ղեկավարվելով «Տեղեկատվության ազատության մասին» ՀՀ օրենքի 6-րդ և 9-րդ հոդվածներով` խնդրում ենք տրամադրել տեղեկություններ հետևյալի մասին.

1. Ինչո՞ւ է Մուրադ Փափազյանը Հայաստանի համար անցանկալի անձ համարվում:

2. Ինչո՞ւ չի արգելվել թուրքական «Գորշ Գայլեր» ահաբեկչական խմբավորման հետ մտերիմ՝ (եթե ոչ մտերիմ, այլ անդամ) Սամսոն Օզարարատի մուտքը Հայաստան, արդյո՞ք Սամսոն Օզարարատը Հայաստանի համար ցանկալի անձ է համարվում»։

Կիսվի՛ր այս նյութով՝
դեպի վեր