Բեռլինը հավանություն է տվել Ուկրաինային 100 Panzerhaubitze 2000 ինքնագնաց հաուբիցների վաճառքին, գրում է SPIEGEL-ը՝ KMW-ի ներկայացուցչին հղումով։ Արտադրող KMW ընկերության ներկայացուցիչը 100 ինքնագնաց հաուբիցների բյուջեն գնահատել է 1,7 միլիարդ եվրո։ Այս ծավալը գերազանցում է Ուկրաինային զենքի նախկին մատակարարումները՝ ընդհանուր մոտ 600 միլիոն եվրոյի չափով։ Դեռ պարզ չէ, թե երբ առաջին հաուբիցները կհասնեն Ուկրաինա։ Սպասվում է, որ հարյուր Panzerhaubitze 2000-ի արտադրությունը կտևի մի քանի տարի։ Վերջին մի քանի շաբաթվա ընթացքում Գերմանիան գերմանական բանակի պահեստներից արդեն Ուկրաինային է մատակարարել մի քանի Panzerhaubitze 2000 համակարգեր։ |