Կիրակի օրը Աֆղանստանի հետ սահմանին զինված բախումներ են տեղի ունեցել իրանցի սահմանապահների և «Թալիբան» շարժման ուժերի միջև։ ԻՌՆԱ-ի հաղորդման համաձայն՝ այս մասին հայտարարել է Իրանի Սիստան և Բելուջիստան նահանգի Հիլմենդ (Խիրմանդ) շրջանի ղեկավար Մեյսամ Բարազանդեն։ «Քիչ առաջ Հիլմենդի շրջանի սահմանին բախումներ են տեղի ունեցել իրանցի սահմանապահների և թալիբների միջև, սահմանապահների և «Թալիբան» խմբավորման միջև բախումները շարունակվում են։ Մեկնաբանելով հնարավոր զոհերի մասին տեղեկությունը՝ Բարազանդեն նշել է, որ «այժմ այդ հարցը հետաքննվում է»։ Միջադեպի պատճառների մասին չի հաղորդվում։ |