Սերբիայի նախագահ Ալեքսանդր Վուչիչը հայտարարել է, թե Կոսովոյի ինքնահռչակ հանրապետության ոստիկանությունը կեսգիշերին գործողություններ կսկսի հանրապետության հյուսիսային հատվածում՝ սերբերի դեմ։ Վուչիչը հավելել է, որ կոսովո-ալբանական ջոկատներն արդեն առաջացել են դեպի Յարինեի և Բռնյակի անցակետեր։ Նրանք, հավանաբար, կկանգնեցնեն սերբական փաստաթղթեր ունեցողներին։ Հաղորդվում է, որ հյուսիսային Կոսովոյում, ինչպես 1999 թվականին, եկեղեցիներում և վանքերում անդադար ղողանջում են զանգերը։ Որոշ տեղեկությունների համաձայն՝ Սերբիան ինքնաթիռներ է տեղափոխում Կոսովոյի հետ սահման։ Ավելի վաղ հաղորդվել էր, որ Սերբիա-Կոսովոյի սահմանին բախումներ են տեղի ունեցել։ |