ՄԱՄՈՒԼ.ամ
Hay / Հայ | Рус | Eng | Tür
USD 395.35, EUR 411.92, RUB 6.46, GBP 480.03
+8 °C, +4 °C ... +8 °C Վաղը`+7 °C
Աֆղանստանում սպանվել է «Ալ-Քաիդայի» առաջնորդ Զավահիրին
12:00, 02.08.2022 | mamul.am
4306 | 0

ԱՄՆ նախագահ Ջո Բայդենը հայտնել է «Ալ-Քաիդա»-ի առաջնորդ Այման Զավահիրիի սպանության մասին, որը տեղի է ունեցել Աֆղանստանում՝ ԱՄՆ-ի կողմից իրականացված գործողության արդյունքում։
«Արդարությունը հաստատվել է. ահաբեկիչների առաջնորդն այլևս չկա»,- ասել է Բայդենը՝ հեռուստաուղերձում:
Նրա խոսքով՝ Զավահիրիի գտնվելու վայրի մասին ԱՄՆ հետախուզական ծառայություններին հայտնի էր դարձել տարեսկզբին:

Ուսամա բեն Լադենի սպանությունից հետո Զավահիրին ղեկավարել է «Ալ-Քաիդան»: Նա համարվում էր 2001թ. ահաբեկչության կազմակերպիչը:

Հիշեցնենք՝ 2001թ. սեպտեմբերի 11-ը Միացյալ Նահանգների նորագույն պատմության մեջ մտավ որպես մեծագույն ողբերգության օր: Ահաբեկչության հետևանքով Նյու Յորքի Համաշխարհային առևտրի կենտրոնի երկու երկնաքերների փլատակների տակ զոհվեց շուրջ 3 հազար մարդ:

Կիսվի՛ր այս նյութով՝
| |
դեպի վեր