ՄԱՄՈՒԼ.ամ
Hay / Հայ | Рус | Eng | Tür
USD 406.28, EUR 415.50, RUB 6.72, GBP 491.88
+28 °C, +19 °C ... +34 °C Վաղը`+36 °C
«Բավական է խաբենք ինքներս մեզ»․ Ղազինյան
00:12, 06.08.2022 | mamul.am
3099 | 1

ԱԺ նախկին պատգամավոր Արթուր Ղազինյանը ֆեյսբուքյան իր էջում գրել է. «Պատմության բոլոր դասագրքերը պետք է վերախմբագրել ու սերունդներին ներկայացնել ամբողջ ճշմարտությունը:

Մեր երեխաները իրավունք ունենք իմանալ դաժան իրականությունը. մեր բոլոր պարտությունների, կորուստների, աղետներն ու ողբերգությունների ՄԻԱԿ ՄԵՂԱՎՈՐԸ ՄԵՆՔ ԵՆՔ, ստախոս դավաճանները, նրանց ծառայող ստրուկ չինովնիկները, թշնամու հետ գործարքի գնացած իշխանությունները:

Բավական է խաբենք ինքներս մեզ, թե մենք աշխարհակալ ու քաղաքակրթածին, հինավուրց ու քարից հաց քամող ազգ ենք, Աստծո կողմից ընտրյալ ժողովուրդ ենք:

Ո՛Չ, մենք մանրախնդիր, նախանձ, չկամ, նյութապաշտ, որկրամոլ ժողովուրդ ենք, որ ունակ ենք հանուն մեր նախանձի ու չարության քանդել ու ավիրել մեր արյունով ձեռք բերածն ու քրտինքով կառուցածը:

Ոչ մի արտաքին թշնամի մեզ չի հաղթել, չի գրավել, մենք են մի քանի արծաթով մեր ամրոցների դարպասները բացել թշնամու առաջ, դավադիր պայմանավորվածություններ ձեռք բերել թշնամու հետ:

Սերունդները պետք է կրթվեն ճշմարտության ու ազնվության գիտելիքով, որպեսզի ապագայում կարողանան բացահայտել իրենց միջի կեղտին, ստորին, ճանաչեն դավաճանին ու այլևս երբեք թույլ չտան նոր աղետներ արհավիրքներ:

Սա էլ կապրենք, առաջին դեպքը չի, որ մեզ հարվածում են թիկունքից:

Վերքը խորն է, շատ ցավոտ, դեռ երկար կարյունահոսի, բայց մի օր կսպիանա ու մեր երեխաները, ամեն վայրկյան տեսնելով այդ սպին, միգուցե խելքի կգան ու մի օր կհամախմբվեն ու կհաղթեն․․․»։

Կիսվի՛ր այս նյութով՝
| |
դեպի վեր