ՄԱՄՈՒԼ.ամ
Hay / Հայ | Рус | Eng | Tür
USD 406.22, EUR 397.24, RUB 7.09, GBP 455.25
+22 °C, +17 °C ... +29 °C Վաղը`+30 °C
Բլինքենը Ալիևին կոչ է արել նվազեցնել լարվածությունը
10:06, 06.08.2022 | mamul.am
2042 | 0

Ինչպես հայտնի է, ԱՄՆ պետքարտուղար Էնթոնի Բլինքենն առանձին հեռախոսազրույցներ է ունեցել Հայաստանի ու Ադրբեջանի ղեկավարների հետ: Պետքարտուղարության տարածած հաղորդագրության մեջ Հայաստանի վարչապետ Նիկոլ Փաշինյանի հետ հեռախոսազրույցի մասին ասված է.

«Պետքարտուղար Բլինքենը վստահեցրել է վարչապետ Փաշինյանին, որ Միացյալ Նահանգները ուշադիր հետևում է իրավիճակին Լեռնային Ղարաբաղում։ Նա կոչ է արել ուղիղ երկխոսություն սկսել Հայաստանի և Ադրբեջանի միջև՝ լուծելու Լեռնային Ղարաբաղի հակամարտության հետ կապված կամ դրանից բխող հարցերը»,- ասված է հաղորդագրության մեջ, փոխանցում է «Ամերիկայի ձայն»-ը:

ԱՄՆ պետքարտուղարությունը հաղորդագրություն է տարածել նաև Ադրբեջանի նախագահի հետ պետքարտուղարի ունեցած հեռախոսազրույցից, ուր մասնավորապես ասված է. «Պետքարտուղար Բլինքենը կոչ է արել նվազեցնել լարվածությունը և ուղիղ երկխոսություն սկսել Ադրբեջանի և Հայաստանի միջև՝ լուծելու Լեռնային Ղարաբաղի հակամարտության հետ կապված կամ դրանից բխող հարցերը»:

Կիսվի՛ր այս նյութով՝
| |
դեպի վեր