Զապորոժիեի վարչակազի ղեկավար Եվգենի Բալիցկին հրաման է ստորագրել՝ Ռուսաստանին միանալու վերաբերյալ հանրաքվե անցկացնելու մասին, գրում է РИА Новости-ն։ Զապորոժիեի շրջանի մի մասը, այդ թվում՝ Մելիտոպոլն ու Էներգոդարը, գտնվում է ռուսական ուժերի վերահսկողության տակ։ Այդ տարածքներում ձևավորվել են քաղաքացիական-ռազմական վարչակազմեր, որոնք էլ հայտարարել են հանրաքվե անցկացնելու մասին։ Ուկրաինայի իշխանությունները կորցրած տարածքները համարում են օկուպացված և հայտարարել են դրանք վերադարձնելու մասին։ «Եթե կեղծ հանրաքվեներ անցկացվեն հարավային շրջաններում, ապա Ռուսաստանը կկորցնի Ուկրաինայի հետ բանակցությունների ցանկացած հնարավորություն»,- նշել էր Ուկրաինայի նախագահ Վլադիմիր Զելենսկին։ |