ՄԱՄՈՒԼ.ամ
Hay / Հայ | Рус | Eng | Tür
USD 395.15, EUR 415.38, RUB 6.32, GBP 481.02
+4 °C, 0 °C ... +6 °C Վաղը`+7 °C
Պատասխան խաղում ևս «Փյունիկ»-ը պարտվեց «Ցրվենա Զվեզդա»-ին
23:00, 09.08.2022 | mamul.am
2546 | 0

Ֆուտբոլի Հայաստանի չեմպիոն Երևանի «Փյունիկը» Չեմպիոնների լիգայի որակավորման երրորդ փուլի պատասխան խաղում ընդունեց Սերբիայի չեմպիոն «Ցրվենա Զվեզդային» և պարտություն կրեց 0:2 հաշվով։

Աչքի ընկան գաբոնցի կիսապաշտպան Գելոր Կանգան և սերբ հարձակվող Միլան Պավկովը։

Առաջին խաղում «Փյունիկը» Բելգրադում պարտվել էր 0:5 հաշվով։

«Փյունիկը» պայքարը կշարունակի Եվրոպայի լիգայի որակավորման փլեյ-օֆֆում և կմրցի Չեմպիոնների լիգայի որակավորման երրորդ փուլում «Վիկտորիա Պլզենի» (Չեխիա) արգելքը չհաղթահարած «Շերիֆ Տիրասպոլի» (Մոլդովա) հետ։

Եվրոպայի լիգայի որակավորման փուլի փլեյ-օֆֆի հանդիպումները տեղի կունենան օգոստոսի 18-ին և 25-ին։

Կիսվի՛ր այս նյութով՝
| |
դեպի վեր