+26 °C, +14 °C ... +26 °C Վաղը`+28 °C
«Քաղաքացու իրավունքների պաշտպան» ՀԿ նախագահ Կարեն Հեքիմյանը ֆեյսբուքյան իր էջում գրել է. «Կարո՞ղ էր արդյոք Տեր-Պետրոսյան Լևոնը 1998 թ․ չհրաժարվել ՀՀ նախագահի պաշտոնից: Կարծում եմ, որ կարող էր: Այդ դեպքում, ինչո՞ւ վերջինս հրաժարական ներկայացրեց: Որովհետև, նրա հետագա պաշտոնավարումը կարող էր իրականացվել միայն քաղաքական վեկտորի փոփոխության դեպքում: Տեր-Պետրոսյանն այն մարդկանցից չէր, որոնք հեշտ դավաճանում են իրենց սկզբունքներին: Հետևաբար, նա չհրաժարվելով սկզբունքներից, հրաժարվեց պաշտոնից։ Կարո՞ղ է արդյոք Փաշինյան Նիկոլը հրաժարվել ՀՀ վարչապետի պաշտոնից: Կարծում եմ, որ չի կարող: Ինչո՞ւ: Որովհետև, վերջինիս պաշտոնավարումը, ի սկզբանե, որևէ քաղաքական վեկտոր չի ունեցել, հիմնված է եղել բացառապես մանիպուլյատիվ գաղափարների վրա: Փաշինյան Նիկոլը երբեք իշխանությունից չի հրաժարվի, քանզի, դասական իմաստով, մանիպուլյացիան իրենից ենթադրում է բոլոր միջոցներով իրականացնել սեփական նպատակները և շահույթ ստանալ: Հետևաբար, նա ունենալով սեփական նպատակները և գիտակցելով շահույթ ստանալու հեռանկարը, երբեք պաշտոնից չի հրաժարվելու: Ասածս այն է, որ Փաշինյան Նիկոլը Տեր-Պետրոսյան Լևոն կամ, նույնիսկ՝ Սարգսյան Սերժ չէ: Վերջինիս դեպքում, չեն գործում «քաղաքական ֆիասկո» կամ «կրիտիկական զանգված» ձևաչափերը: Պայքարի մնացած տարբերակներն ինքներդ ընտրեք կամ դիմեք հանճարեղ Օստապ Բենդերին, որը գիտեր քաղաքացիներից գումար խլելու շուրջ 400 համեմատաբար ազնիվ միջոց: Դե, գումար խլելն էլ, իշխանություն խլելու նման մի բան է»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am