ԱՄՆ գլխավոր դատախազ Մերրիք Գարլենդը հինգշաբթի հաստատել է, որ դաշնային գործակալները Ֆլորիդայում խուզարկել են նախկին նախագահ Դոնալդ Թրամփի կալվածքը՝ պարզելու, թե արդյոք նա պաշտոնաթող լինելուց հետո անօրինական կերպով պետական փաստաթղթեր է հեռացրել Սպիտակ տնից, թե ոչ:

Բարձրաստիճան պաշտոնյան ասել է, որ ինքն անձամբ է հաստատել Թրամփի տունը խուզարկելու որոշումը:

Երկրի արդարադատության նախարարությունը խուզարկությունից հետո մի շարք ուժերի կողմից հայտնվել է սուր քննադատության ներքո և ենթարկվել առցանց սպառնալիքների, փոխանցում է «Ամերիկայի ձայն»-ը: