«Ախպորս երեխեքը, հղի կինը ստեղ են՝ փլատակների տակ: Առավոտվա 07:00-ից ձեռքով քար ենք կրում, խնդրում ենք տեխնիկա՝ կռան. գալիս ա 11:00-ն արդեն»,- դիմելով ԱԻ փոխնախարարին՝ ասաց քաղաքացի Արայիկ Մկրտումյանը: «Թողեք մասնագիտական կառույցներն իրենց աշխատանքը կատարեն, ձեր հարազատները մեր հարազատներն են»,- նշեց Դավիթ Համբարյանը: Լրագրողների հետ զրույցում քաղաքացին ասաց, որ ԱԻՆ-ը ճիշտ չի աշխատում. «Ժամանակին, որ մտնեին՝ մաքրեին, կարող ա հարցի լուծում լիներ»:

Նշվում է, որ հղի կինը մանկահասակ որդու հետ «Սուրմալու» էր գնացել՝ չծնված երեխայի համար գնումներ կատարելու համար: