«Կանգուն մնացած հատվածին կից մի հատված կա, որտեղ դեռևս որոշակի փլատակներ կան. հավանական է, որ այդտեղ լինի փնտրվող քաղաքացին»,- հայտնել է ԱԻ փոխնախարար Դավիթ Համբարյանը: Նրա խոսքով՝ շենքի վթարային վիճակի պատճառով մուտք գործելը վտանգավոր է. «Կախված են նաև մեծ կոնստրուկցիաներ, որոնք առանձնացնելու կարիք կա. դա արվելու է, որպեսզի հարակից հատվածը տեսադիտարկման միջոցով հասկանանք»,- ասել է նա՝ հավելելով, որ համապատասխան աշխատանքների ավարտից հետո կքննարկվի շինության ապամոնտաժման հարցը: