Գերմանիայի կանցլեր Օլաֆ Շոլցը, ԱՄՆ նախագահ Ջո Բայդենը, Ֆրանսիայի նախագահ Էմանուել Մակրոնը և Մեծ Բրիտանիայի վարչապետ Բորիս Ջոնսոնն օգոստոսի 21-ին քննարկել են Զապորոժիեի ԱԷԿ-ի շուրջ ստեղծված իրավիճակը: Չորս երկրների ղեկավարները պայմանավորվել են շարունակել աջակցությունն Ուկրաինային՝ ռուսական ագրեսիայից պաշտպանվելու հարցում։ Նրանք անդրադարձել են Զապորոժիեի ատոմակայանի մոտ ռազմական գործողություններից խուսափելու անհրաժեշտությանը, ինչպես նաև ՄԱԳԱՏԷ-ի շուտափույթ այցի կարևորությանը: Այս մասին հայտնել է Գերմանիայի կառավարության խոսնակը: |