ՄԱՄՈՒԼ.ամ
Hay / Հայ | Рус | Eng | Tür
USD 408.04, EUR 390.29, RUB 6.99, GBP 434.69
+30 °C, +17 °C ... +30 °C Վաղը`+29 °C
«Նյու Յորքում այսօր տեղի է ունեցել հիմնականում չլսված, չտեսնված մի բան». Հայկ Մարտիրոսյան
00:30, 23.09.2022 | mamul.am
14835 | 8

ԱԺԲ անդամ, քաղաքագետ Հայկ Մարտիրոսյանը գրում է. «ԱՄՆ նախագահը հազվադեպ է հանդիպում և թեկուզ հինգ րոպե զրուցում օտարերկրյա այն պետությունների ղեկավարների հետ, որոնք սերտ, մոտ, կարևոր դաշնակիցներ չեն Միացյալ Նահանգներին: Լավագույն պարագայում ոչ թշնամի, բարեկամական երկրների ղեկավարների` նախագահների, միապետների կամ վարչապետների հետ հպանցիկ կամ տևական հանդիպումներ են ունենում պետքարտուղարները: Պետքարտուղարը ամերիկյան արտգործնախարարն է, թեև ունի առավել լայն գործառույթներ և համարվում է երկրի գործադիրի գործնականում երկրորդ պաշտոնյան` փոխնախագահից էլ առաջ:
Արարատ Միրզոյանի հետ Նյու Յորքում այսօր հանդիպել է նախագահ Բայդենը: ԱՄՆ նախագահը հանդիպել է ոչ թե օտարերկյա պաշտոնակցի, այլ Հայաստանում մի երրորդական պաշտոնյայի հետ, որը ոչ մի գործադիր կամ քաղաքական իրական լծակ չունի հայաստանյան ներկա համակարգում:
Եվ նախագահ Բայդենը դա չի արել, որովհետև համակրում է Արարատին: Կամ` Երևանի, դավաճանական ռեժիմին: Բայդենը դա արել է, որովհետև ծայրահեղ անհրաժեշտ է համարել մեսիջ հղել Ադրբեջանին և իհարկե հայ հանրությանը, որ ԱՄՆ-ը անվերապահորեն սատարում է Հայաստանին: Այստեղ` այս հարցում, պաշտոնյաների և երկրների ֆորմատն այլևս կարևոր չէ: Կարևոր է հանգամանքը: Եվ սա բացառիկ դեպք է:
Այսպիսով Նյու Յորքում այսօր տեղի է ունեցել հիմնականում չլսված, չտեսնված մի բան. ԱՄՆ նախագահը կարճ առանձնազրույց է ունեցել Հայաստանը ներկայացնող հայաստանյան ռեժիմի առաջնորդի նվիրյալի հետ` դրանով ցույց տալով ոչ թե բացառիկ բարեհաճություն ռեժիմի, այլ` նրա ներկայացրած երկրի` Հայաստանի հանդեպ և այդ երկրի կարևորությունն ԱՄՆ-ի համար ու Վաշինգթոնի հանձնառությունը` պաշտպանելու Հայաստանմ այս դժնդակ ժամանակներում»:

Կիսվի՛ր այս նյութով՝
| |
դեպի վեր