Դատավորների ընդհանուր ժողովից առաջ լրագրողների հետ զրույցում դատավոր Հովհաննիսյանը նշել է, որ իր տեղեկություններով Ալեքսանդր Ազարյանը որոշակի առողջական խնդիրներ է ունեցել, այդ իսկ պատճառով հրաժարականի դիմում է ներկայացրել։ Լրագրողի հարցին՝ ինչպե՞ս է վերաբերվում ԲԴԽ ղեկավարի պաշտոնում Կարեն Անդրեասյանի նշանակման մասին լուրերին՝ Հովհաննիսյանն ասել է․ «Վատ կնայեմ, եթե Անդրեասյանը գա ԲԴԽ, ասելով՝ կոռուպցիոն դատավորներ կան, ու ցուցակներ չհրապարակի։ Եթե իր նախկին տրամադրվածությամբ պետք է գա, ես լավ չեմ նայում, եթե գալիս է արդյունավետ աշխատելու, որևէ վերապահում չունեմ։ Եթե պետք է խոսեն կոռուպցիոն դատավորների մասին, ու դա զուտ միայն խոսակցություն մնա, եթե որևէ կոնկրետ փաստով, որևէ գնահատական, որևէ հետևանք չունենա, վատ եմ նայում, հանրության առաջ հեղինակազրկում են մեր դատական համակարգը»։ |