ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+10 °C, +5 °C ... +16 °C Վաղը`+20 °C
Ջերմուկում առողջարանները ռազմական գործողությունների առաջին ժամերից սկսած չեն գործում
19:30, 26.09.2022 | mamul.am
4739 | 0

Ջերմուկի զբոսաշրջության զարգացման կենտրոնը տեղեկացնում է. «Ջերմուկում վնասվել է ճոպանուղին, հյուրանոցը, բուժկետը, թիրախավորվել է շտապօգնության ավտոմեքենա. Վիզիթ Ջերմուկ
Ադրբեջանի ԶՈւ ստորաբաժանումները սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև հարվածային ԱԹՍ-ներ:
Վայոց Ձորի մարզի Ջերմուկ քաղաքի վրա ադրբեջանական ուժերի առաջին հարվածը եղել է ճոպանուղուն: Դրանից հետո միայն հարվածել են զորամասին, զորամասի պահեստներին և քաղաքի մերձակա բոլոր տարածքներին։
Ադրբեջանի ագրեսիայի հետեւանքով Վայոց Ձորում տուժել են նաև հյուրատներ, առողջարան, ճոպանուղին, փրկարար ծառայության հրշեջ-փրկարարական ջոկատի շենքը, եւ մարդկանց անձնական օգտագործման մեքենաներ եւ այլ գույքեր:
Թշնամու հարձակման պահին քաղաքի առողջարաններում հարյուրավոր օտարերկրացի զբոսաշրջիկներ կային։ Հյուրանոցներում կարողացել են գրագետ տարհանում կազմակերպել։
Ջերմուկում առողջարանները ռազմական գործողությունների առաջին ժամերից սկսած չեն գործում»։

Կիսվի՛ր այս նյութով՝
դեպի վեր