ՌԴ մասնակի զորահավաքի շրջանակներում զորակոչից տարկետում կարող են ստանալ միայն բարձրագույն կրթություն ունեցող ՏՏ ոլորտի մասնագետները։ Այս մասին երկուշաբթի օրը՝ սեպտեմբերի 26-ին, հիշեցրել է Թվային զարգացման նախարարության ղեկավար Մաքսուտ Շադաևը՝ ՏՏ ընկերությունների և հեռահաղորդակցական ընկերությունների աշխատակիցների համար տարկետման հարցերին նվիրված վեբինարի ժամանակ։ Շադաևը նաև հայտնել է, որ թվային զարգացման նախարարությունը սեպտեմբերի 27-ից ՏՏ ոլորտի մասնագետների համար պետական ծառայություններում ձևաթուղթ է բացելու՝ մասնակի մոբիլիզացիայի շրջանակներում զորակոչից տարկետում ստանալու համար։ Նախարարը պարզաբանել է, որ ՏՏ ոլորտի մասնագետները կարող են իրենց մասնագիտությունն ավելացնել ցուցակներում, եթե այն չմերժվի թվային զարգացման նախարարության կողմից։ |