+22 °C, +11 °C ... +22 °C Վաղը`+24 °C
Քաղաքական վերլուծաբան Վարդան Բալյանը ֆեյսբուքյան իր էջում գրում է. «Երևի հիմա քչերն են հիշում Փաշինյանի՝ հայ-ադրբեջանական սահմանագծից զորքերի հայելային հետքաշման առաջարկը, որ նպատակ ուներ ձևավորել բուֆերային գոտի մինչև սահմանագծման և սահմանազատման գործընթացի ավարտը և խաղաղության պայմանագրի կնքումը: Ադրբեջանը հիմա հենց այդ բուֆերային գոտին է ձևավորում մեր տարածքում՝ ապահովելով հայկական զորքերի հետքաշումն ադրբեջանցիների հայելային առաջխաղացմամբ: Եթե անգամ Ալիևը հրաման տա ադրբեջանական բանակին վերադառնալ ելման դիրքեր, ապա այդ անելու է պայմանով, որ հայկական զինված ուժերը մնան պայմանական բուֆերային գոտուց դուրս տեղակայված դիրքերում: Ես հիմա չեմ պատմի, թե ի՞նչ ռազմական խնդիրներ է լուծել Ադրբեջանը սեպտեմբերի 13-ի հարձակման արդյունքում, կարծում եմ, ամեն ինչ առավել քան հասկանալի է ու տեսանելի: Բայց ամենևին ոչ պատահական հիշեցրեցի հայելային հետքաշման առաջարկի մասին: Գործող, թե՛ նախկին իշխանավորների՝ վարչապետ, թե՛ նախկին նախագահներ, չկշռադատված հայտարարությունների համար մեր զինվորը կյանքով է վճարում»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am