ՄԱՄՈՒԼ.ամ
Hay / Հայ | Рус | Eng | Tür
USD 395.20, EUR 416.07, RUB 6.39, GBP 485.11
+5 °C, 0 °C ... +5 °C Վաղը`+5 °C
«Այդ քարտեզներով ՀՀ զգալի մասը չի ներառվում. խոսքը Տավուշի, Սյունիքի, Գեղարքունիքի մասին է». ադրբեջանագետ
13:24, 04.10.2022 | mamul.am
4161 | 2

Ադրբեջանագետ Արմինե Ադիբեկյանը խոսել է նախօրեին «Հայկական ժամանակ»-ի՝ հավաստի աղբյուրին հղում արած հոդվածի մասին, որտեղ նշվում է, թե Ադրբեջանն ինչ հինգ կետեր է Հայաստանից պահանջում։ Մասնավորապես՝ 1919 և 1920 թվականների քարտեզներով սահմանազատման և սահմանագծման գործընթացին վերաբերող կետի մասին ադրբեջանագետն ասել է․ «Այդ քարտեզներով ՀՀ զգալի մասը չի ներառվում. խոսքը Տավուշի, Սյունիքի, Գեղարքունիքի մասին է։ Իրենք, որ հիմա այդպես շտապում են սահմանազատումն անել, դա երկու գործոն է իր մեջ պարունակում․ առաջինը՝ նրանց պետք են հստակեցված սահմաններ, որ եվրոպացիների հետ կարողանան հանգիստ իրենց գործարքները կատարել։ Խաղաղ պայմանագիրը կնքված է, ռազմական գործողությունները չեն վերսկսվի, և ձեր կոմունիկացիաները վտանգված չեն։ Եվ երկրորդը՝ այն տեղերը, որոնք այսօր ադրբեջանցիներն արդեն զբաղեցրել են, դրանք արդեն գրավել են, ուրեմն՝ իրենցն է, այսինքն՝ սահմանազատումը գնալու է նոր սահմանագծով, որովհետև իրենք ՀՀ օկուպացված տարածներում սկսել են ինժեներական աշխատանքներ, նրանք հետքաշման միտք չունեն, ավելին ասեմ՝ առաջքաշման միտք ունեն։ Իսկ այս իշխանությունները ոնց դավաճանեցին արցախահայությանը, նույն կերպ դավաճանելու են սյունեցիներին»։

«Այդ քարտեզներով ՀՀ զգալի մասը չի ներառվում. խոսքը Տավուշի, Սյունիքի, Գեղարքունիքի մասին է». ադրբեջանագետ
Կիսվի՛ր այս նյութով՝
| |
դեպի վեր