ՄԱՄՈՒԼ.ամ
Hay / Հայ | Рус | Eng | Tür
USD 396.02, EUR 431.27, RUB 5.71, GBP 490.04
0 °C, -3 °C ... +1 °C Վաղը`+5 °C
Պեղումներ՝ Կապանի Սուրբ Հռիփսիմե եկեղեցու տարածքում
00:06, 06.10.2022 | mamul.am
4817 | 0

ՀՀ Սյունիքի մարզի Կապան համայնքի Բարաբաթում թաղամասի Սուրբ Հռիփսիմե եկեղեցում սկսվել են պեղման աշխատանքները։ Նախքան պեղման աշխատանքներին անցնելը եկեղեցու արտաքին մասը մաքրվել է բուսաշերտից։ Ներկայումս կատարվում են պեղումներ, որին կհաջորդի վերականգնման ու ամրակայման աշխատանքները։

Հյուսիսային մասում բացվել են թաղումներ, որոնց արտաքին նշանները` տապանաքարեր, մահարձաններ չեն պահպանվել։ Ներկայումս հինգ թաղում է բացվել, որոնք մանրակրկիտ պեղվելուց հետո վերցվելու են մարդաբանական ուսումնասիրությունների։

Ամենահետաքրքիր գտածոն արծաթե թիթեղյա առարկայի մասն է` ոսկերչական գեղեցիկ աշխատանք, որի դիմերեսին պահպանվել է դիմապատկեր, իսկ դարձերեսին արձանագիր է, ընթերցվում է ՍԲ։ Պեղումներն իրականացնում է ԿԳՄՍ նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ը, արշավախմբի ղեկավար՝ Լևոն Մկրտչյան։

Կիսվի՛ր այս նյութով՝
| |
դեպի վեր