ԵՄ-ն հաստատել է Ռուսաստանի դեմ պատժամիջոցների ութերորդ փաթեթը, ներառելով այնտեղ նավթի գների առաստաղը, այս մասին հինգշաբթի՝ հոկտեմբերի 6-ին, հայտնել է Եվրոհանձնաժողովի մամուլի ծառայությունը։ Նշվում է, որ պատժամիջոցների փաթեթը ներառում է բազմաթիվ տնտեսական և անձնական սահմանափակումներ։ Օրինակ՝ նոր սահմանափակումները նախատեսում են Ռուսաստանից նավթի ծովային փոխադրման գնի առաստաղի որոշման բազայի ստեղծում։ ԵՄ պատժամիջոցների նոր փաթեթով արգելք է դրվում նաև Ռուսաստանի քաղաքացիների և ռեզիդենտների՝ կրիպտո դրամապանակների սպասարկման վրա: Ավելի վաղ հայտնել էինք, որ սահմանափակումները թիրախավորելու են Ռուսաստանի կողմից ուկրաինական շրջանների բռնակցման գործում դերակատարում ունեցած անձանց: |