Իրանում դատարանը մահապատժի առաջին դատավճիռն է կայացրել հակակառավարական ցույցերի մասնակցի նկատմամբ։ Նա մեղավոր է ճանաչվել Թեհրանում վարչական շենքը հրկիզելու և անկարգություններ կազմակերպելու համար։ Այլ մանրամասներ չեն հաղորդվում։ Դատարանի որոշումը դեռ կարող է բողոքարկվել, հայտնում է Euronews-ը։ Ավելի վաղ Իրանի խորհրդարանը բանաձև էր ընդունել, որով կոչ էր անում օրինակելի պատիժ սահմանել ցույցերին մասնակցելու համար։ Պատգամավորները հայտարարեցին մահապատժի անհրաժեշտության մասին։ |