Ուկրաինայի նախագահ Վլադիմիր Զելենսկին դիմել է Ինդոնեզիայի գագաթնաժողովին մասնակցող G20-ի առաջնորդներին։ Եկել է ժամանակը, երբ Ռուսաստանի պատերազմն Ուկրաինայի դեմ պետք է դադարեցնել, իր տեսաուղերձում ասել է նա: «Ռուսական ավերիչ պատերազմը պետք է և հնարավոր է դադարեցնել։ Դա հազարավոր կյանքեր կփրկի»,- նշել է Ուկրաինայի ղեկավարը։ Զելենսկին ընդգծել է, որ Ռուսաստանի Դաշնությունը պետք է դուրս բերի իր օկուպացիոն զորքերը, փոխհատուցի պատճառած վնասը և հաստատի Ուկրաինայի տարածքային ամբողջականությունը։ |