Երևանում անցկացվող ՀԱՊԿ երկրների ԱԳՆԽ, ՊՆԽ, ԱԽՔԿ համատեղ նիստի մեկնարկին ՀԱՊԿ գլխավոր քարտուղար Ստանիսլավ Զասը ներկայացրել է օրակարգը։ Նա տեղեկացրել է, որ նիստի մասնակիցներին առաջարկվելու է համաձայնեցնել և ստորագրել 24 փաստաթուղթ։ Անդրադառնալով հայ-ադրբեջանական լարված փոխհարաբերություններին Զասը նշել է․ «Հայ-ադրբեջանական սահմանին պահպանվում է լարվածությունը։ Գրեթե ամեն օր հրաձգություն է տեղի ունենում։ Ընդհանուր առմամբ, համաձայնեցված է ՀԱՊԿ անվտանգության խորհրդի որոշումը՝ Հայաստանին օգնություն ցուցաբերելու համատեղ ջանքերի վերաբերյալ, որոնք պատրաստվել են ՀԱՊԿ մոնիտորինգային կենտրոնի և առաքելության առաջարկությունների և հետևությունների հիման վրա»։ |