ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+3 °C, +3 °C ... +16 °C Վաղը`+19 °C
Արարատ լեռան վրա Նոյան Տապանի հանգրվանման նոր ապացույցներ՝ ըստ հնագույն տեքստերի
23:30, 24.11.2022 | mamul.am
7470 | 0

Բրիտանացի նշանավոր պատմաբան, ասորագետ Իրվինգ Ֆինքելն իր՝ «Տապանը մինչ Նոյը․ Միջագետքից Արարատ․ սեպագիր պատմություններ ջրհեղեղի մասին» գրքում ներկայացրել է մի շարք ապացույցներ առ այն, որ Նոյան Տապանն իսկապես հանգրվանել է Արարատ լեռան վրա:
Գրքի հիմքում ընկած է « Տապանի աղյուսակներ» անունը ստացած և մ․թ․ա․ 2-րդ հազարամյակով թվագրվող սեպագիր արձանագրության ուսումնասիրությունը, որը լրացնում և պատկերավոր է դարձնում Գիրք Ծննդոցում ներկայացված պատմությունը: Մինչև վերջերս մասնագետներն ուսումնասիրել էին ջրհեղեղի մասին հնագույն երեք տեքստ, որոնք գրվել են Աստվածաշնչից հազար տարի առաջ: Չորրորդ տեքստն ուսումնասիրողների համար հասանելի է դարձել միայն 2009 թվականին: Պարզվել է, որ այն Տապանի շինարարության մանրամասն ուղեցույց է:
Գրքում Իրվինգ Ֆինքելը համեմատում է ջրհեղեղի պատմության միջագետքյան, բիբլիական և ղուրանական տարբերակները, ներկայացնում է Տապանի կառուցման մանրամասնությունները, և քննում է Արարատ լեռան վրա տապանի վերջնական հանգրվանմանը վերաբերող փաստերը: Այս գրքի շնորհիվ Նոյի և նրա տապանի պատմությունը դադարում է պարզապես առասպել լինել:
Իրվինգ Ֆինքելը բրիտանացի ասորագետ է, որը նաև Բրիտանական թանգարանի Մերձավոր Արևելքի բաժնի սեպագրության հավաքածուի պահապան-գիտնականներից է:
Ի դեպ, նա այն նշանավոր գիտնականներից է, որը բազմաթիվ հարցազրույցների ընթացքում անդրադարձել է Ուրարտական պատմությանը, ծագմանն ու տեղադրությանը՝ փաստելով, որ Ուրարտու անվանումը Արարատ և Արմենիա անվանումների հնագույն տարբերակն է:

Արարատ լեռան վրա Նոյան Տապանի հանգրվանման նոր ապացույցներ՝ ըստ հնագույն տեքստերի
Կիսվի՛ր այս նյութով՝
դեպի վեր